ALLAH TA’ALA se Madad mangne k different tareeqe Quran o Hadees se

____________________________________________________________________________________
Bismillahir Rahmanir Raheem
EBAADAT – MADAD - WASEELA

'Allahumma salli 'ala muhammadin wa 'ala ali muhammadin kama sallayta 'ala ali ibrahima wa 'ala ali ibrahima
wa barik 'ala muhammadin wa 'ala ali muhammadin kama barakta 'ala ibrahima wa 'ala ali ibrahima, innaka hammidum majeed
ASSALAT O WASSALAM O ALA'IKA YA SAYYADDI YA RASOOL ALLAH
Irshad-e-Rabbani hai:
“Ae ALLAH Hum sirf Teri Hi Ebadat Karte hian aur Tujhi Se Madad mangte hain.”( Al-Fatiha:04)

Is Aayat mein Do Baaten irshad Farmai hain: 1.Ebadat aur 2. Madad



Har Qisam ki Ebadat sirf ALLAH TA’ALA ke liye hai. Wohi Khaliq aur Ma’bood hai.Wo Kisi Ka MUHTAAJ nahi.Ebadat aur Madad mein farq hai. Aayat mein “Iyyaka Na’bodo Wa Iyyaka Nasta’een” , Wow Aatifa’ zahir karta hai ke Ebadat alag cheez hai aur Madad, ik alag cheez. Ebadat sirf ALLAH ke liye hai, kisi Mekhlooq ki Ebadat ki jae to yeh Shirk aur Kufr hai. Jabk Madad’ Haqeeqtan ALLAH ki taraf se hai lekin Majazan Bandoon se bhi mangi ja sakti hai.

ALLAH TA’ALA se Madad mangne k different tareeqe Quran o Hadees se sabit hain.

Ik hai , ALLAH TA’ALA se direct Madad mangna.

~ALLAH k kisi Mehboob Moqam aur Mehboob bande, Nek kaam k Waseele se Madad talab karna.Yeh aik Mustahsan A’mal hai Kuenk Waseela Qa’im karna ALLAH ki Sunnat e Kareema hai. Rizq ki Farahmi ka mamla ho, Rooh qabaz karne ka amal ho ya Insan ko Hadayat o Rehnumai ata karni ho, har kaam k liye ALLAH ne Waseela peda kar Rakha hai.

Isi tarah QURAN Pak mein,.. Hazrat Ya’qoob(Alaih Salam) ka Hazrat Yousaf(Alaih Salam) ki qameez ko Aankhoon se laga kar Benaie Hasil karna,

Hazrat Zakariya(Alaih Salam) ka Hazrat Maryam(Aliah Salam) ki Mehrab mein khare ho kar Aolad ki Dua mangna
aur Moqam e Ibraheem par Khare ho kar Namaz parna…etc

Yeh sab WASEELA ko Ja’iz aur ALLAH ki Bargah mein Maqbool hone ko Zahir karte hein.

Waseela ka Saboot Quran aur Hadees mein Mo’tad moqamat par Milta hai. Is ko Naja’iz aur Haram qarar dena Aqlan aur Naqlan BATIL ,…. aur Shirk qarar dena Qata’n Galt aur Naja’iz hai.

ALLAH ke Mehboobin Wafa’t ke Ba’d bhi Madad karte hein Jese k Hazrat MOOSA(Alaih Salam) ka Me’raaj ki Shab 50 Namazoon ko 5 Karwana.

Ahl.e.Islam Jab HUZOOR PAK(Sallal lahu Alaihe Wassallam) ko ya Deegar Anbia Karam aur Aolia O Saliheen ko Waseela banate hein to in ki Ebadat Nahi karte aur Na ALLAH ki Tauheed ka Inkar karte hein.

Isitarah ALLAH ke kisi Moqarrab ko, Bargah-e-Khudawand i mein Waseela bana kar Madad Mangna bhi Ja’iz hai. Ahl-ul- ALLAH se Madad talab karna aik Mehboob A’mal hai, Yeh Madad mangne Wale ki madad farmate hain. Jis se Madad talab ki Jae, ose Hosool-e-Faiz aur Qaza-e-Hajat ka zarya samja jae aur Yeh Aqeeda rakha jae ke ALLAH ke Moqarrab bande beghair A’TA-E-ILAHI ke khud is kaam ki Qudrat Nahi rakhte Jabk Madad Karne Wali HAQEEQI aur QADIR Biz-Zaat ALLAH TA’ALA hi hai.

Ya RASOOL ALLAH Madad,
Ya ALI Mushkil Kusha!,
Ya Ghous-e-Azam! ,…. Is tarah Pokarna SHIRK Nahi hai.

Kuenk Jab YA RASOOL ALLAH, Ya Ghous ul Azam, Ya Data,..etc Kaha jata hai to is se Ebadat maqsood Nahi hoti aur Na ALLAH ke Siwa kisi NABI ya Wali ke Huzoor DUA ki Jasakti hai. Yeh Sirf ALLAH TA’ALA hi ka Haqq hai, kisi Mekhlooq ka nahi.

Kisi NAbi ya Wali se Madad Mangne ke bare mein ik Bohat Sada aur Aasan Hadees Pak ko Bayan karna kafi hai. Wese to is ka sabot Quran O Hadees mein kai moqamat par milta hai. Yeh Hadees Saheeh Bukhari aur Muslim mein mojod hai.

"Jab Qayamat ka din ho ga to Ahl-e-Mehshar ghabra kar Hazrat AADAM(Alaih Salam) k paas jaen ge aur un se Arz karen ge k ALLAH se hamari sifarish kijye.HAZRAT AADAM(Alaih Salam) kahen gey k mein is qabil nahi, tum HAZRAT IBRAHHEM (Alaih Salam) k paas jao.HAZRAT IBRAHEEM(Alaih Salam) kahen ge k mein is kabil nahi, HAZRAT MOOSA(Alaih Salam) k paas jao aur wo kahen ge k HAZRAT I’ESA(Alaih Salam) k paas jao aur HAZRAT I’ESA(Alaih Salam) kahen ge k HAZRAT MOHAMMAD(Sallal lahu alihe wassallam) k paas jao.phir wo sab Mere paas aaen ge aur ,Mein kahoon ga yeh mera hi MANSAB hei ,Mein hi Is Kaam ke liye Hoon.”Ye Farma kar Huzoor Pak(Salla lahu Alaihe Wassallam) Bargah-e-Rabbul Izzat mein Hazir hoon ge aur Sajda Karen ge. ALLAH PAK irshad farmae ga “AE MOHAMMAD! sar othao ,Kaho ..Tumhari Baat suni Jae gi, aur Maango,..Jo kuchh Maango ge Milay ga,aur Shafát Karo , Tumhari Shafa’t Maqbool hai.”
{ SAHEEH MUSLIM,1:110 , SAHEEH BUKHARI, 2:971}

Is Hadees par ghor kiya Jae to Roz-e-Mehshar sari Ommattain ANBIA Karam se barah-e-raast Madad maange gi aur koi NABI yeh Nahi Kahe ga k Mujh se Kuen Madad maang rahe ho, yeh SHIRK hai, Ja kar ALLAH se direct maango. Ik NAbi Shirk ke bare mein ziada Janta hai ya Aaj ke Wo log jo Do, chaar kitaaben par kar har Baat par Kufr o Shirk ka Fatwa lagate hein. Agar Os din Gher-e-KHUDA se Madad maangna Shirk nahi ho ga to phir Shirk aaj bhi nahi.

Waseele se Inkar karna aur Ahl-ul-ALLAh se Madad maangne ko Shirk kehna sarasar Jahalat aur Kam Ilmi hai. Aise Munkireen ko Mukhlasana Mashwara hai:

AAj Le Huzoor Ki PANAH ! Aaj MADAD Maang Un Se!
Phir Na Maane Ge Kal QAYAMAT Mein, Agar Too Maan Gia…

Aur Aakhri important baat:
Jo Aayat Buttoon aur Kafiroon ke bare mein Nazil hui hain, Anbia aur Aolia ko un ka Masdaq thehrana aur ALLAH TA’ALA ne jo Hukm Kafiroon aur Buttoon par Sadir Farmaya hai wo ALLAH ke Moqarrab aur Mehbobeen par lagana aur yeh Kehna k Koi Kisi Ka WAKEEL aur SIFARSHI Nahi, Yeh QURAN O HADEES ki Wazeh Makhalfat aur ALLAH O RASOOL par Buhtan Lagana hai.QURAN Pak mein Jabaja Buttoon aur Kafiroon ki Shafa’at ke Inkar ke Saath Momineen aur Muttaqeen ki Shafa’at ka Asbaat kiya gia hai.

YA ELAHI ! Har Jagah Teri A’ta Ka Saath Ho,
Jab Pare Mushkil, SHAH-E- MUSHKIL KUSHA Ka Saath Ho,
YA ELAHI ! Garmi-e- MEHSHAR Se Jab Bharkay Badan,
DAAMAN-E-MEHBOOB Ki Thandi Hawa Ka Saath Ho!!

Mera Dil Bhi Chamka De , Chamkane Walay !
Chamak Tujh Se Paate Hein, Sab Paane Walay.


wa Assalamu 'alaykum wa Rahmatullah,